Գրականության եւ արվեստի թանգարանը հիմնականում ընդգրկում է 18-րդ դարից մինչեւ մեր օրերն ընկած ժամանակաշրջանի հայ մշակույթի չորս խոշոր բնագավառներ՝ գրականություն, թատրոն, երաժշտություն եւ կինոարվեստ:
Այս բնագավառներում հանդես եկած գործիչների անհատական ֆոնդերից զատ Թանգարանում պահպանվում են նաեւ հայագիտության երախտավորների, մշակութային հիմնարկների, կազմակերպությունների, կրթական, գիտական հաստատությունների ու խմբագրությունների ֆոնդեր, ինչպես նաեւ ամենատարբեր բնույթի հավաքածուներ:
Թանգարանն ունի հազարից ավելի ֆոնդեր ու հավաքածուներ, որտեղ ընդգրկված են մոտ մեկ միլիոն թանգարանային առարկաներ:
|
