Primary Exhibition

The museum of Literature and Art named after great Armenian poet Yeghishe Charents exists for one hundred years and is one of the biggest hearths of culture of the Republic of Armenia. It includes archives of nearly all the cultural figures, collections referring to literature, theatre, music and film production, beginning from the 18th century to modern times, as well as collections referring to our cultural and educational institutions. read more... 

 

NEAR EAST ART

In the Museum of Literature and Art after Yeghishe Charents there is an exhibition “Near East” on the basis of Marcos Grigoryan’s collection, which includes 2500 original exhibits. M. Grigoryan has gifted the collection to Armenia in 1993. read more...

News

31 May

11:00

Հիշողության սլաքներ. ժամանակավոր ցուցադրություն

Գրականության և արվեստի թանգարանում մայիսի 31-ից հուլիսի 30-ը կգործի «Հիշողության սլաքներ» բացառիկ ցուցադրությունը։ Առաջին անգամ կցուցադրվեն հայ մեծերի՝ գրականության, երաժշտության, թատրոնի և կինոյի երևելիների անձնական ժամացույցները, որոնցից յուրաքանչյուրի սլաքները կանգ են առել հիշողության մի ակնթարթում․․․ 

Ցուցադրվող 60 ժամացույցներից միայն մեկի սլաքներն են բաբախում առ այսօր՝ կամրջելով անցյալ ու գալիք հիշողությունները։ 

Ժամանակավոր ցուցադրության շրջանակում կներկայացվեն Մ․ Նալբանդյանի, Հ․ Թումանյանի, Ա․ Բակունցի, Վ․ Փափազյանի, Բ․ Կանաչյանի, Մ․ Սարյանի և մյուս մեծերի ժամացույցները՝ հիշողության սլաքներով։

Նախագծի հովանավոր` 𝐀𝐖𝐈 𝐢𝐧𝐭𝐞𝐫𝐧𝐚𝐭𝐢𝐨𝐧𝐚𝐥
Գործընկերներ` Հովհաննես Թումանյանի թանգարան, Մարտիրոս Սարյանի տուն-թանգարան

 

Մուտքը՝ ցուցադրության տոմսով

17 May

10:00

ԹԱՆԳԱՐԱՆՆԵՐԻ ԳԻՇԵՐ ԵՎ ԹԱՆԳԱՐԱՆՆԵՐԻ ՄԻՋԱԶԳԱՅԻՆ ՕՐ

Գրականության և արվեստի թանգարանը միանում է երկօրյա մշակութային տոնին: Այս տարի «Թանգարանների գիշեր» համաեվրոպական միջոցառումը կանցկավվի մայիսի 17-ին, իսկ մայիսի 18-ին կնշվի Թանգարանների միջազգային օրը «Թանգարանների ապագան արագ զարգացող հայամնքերում» խորագրի ներքո:

 

ՄԱՅԻՍԻ 17  

10:00-24:00 - Հիմնական ցուցադրություն

10:00-24:00 - Ժամանակավոր ցուցադրություն՝ «Վահան Տերյանը՝ ուսանող»․ կցուցադրվեն Վահան Տերյանի ուսանողական շրջանին վերաբերող և թանգարանում պահվող արխիվային վավերագրեր

17:00 - «Պատում՝ մեկ իրի․ Կոմիտաս վարդապետի սրինգը» ժամանակավոր ցուցադրության բացում․ կներկայացվեն Կոմիտասի սրինգը (բլուլը) և դրա մասին պատմող նրա ինքնագիր հոդվածը

20:00-20։40 - «ԿինոՋազ․ էկրանից՝ բեմ»․ Երևանի Կ․ Սարաջյանի անվան երաժշտական դպրոցի սաների մասնակցությամբ ջազային-անսամբլային երաժշտության երեկո

 

 

ՄԱՅԻՍԻ 18

10:00-18:00 - Հիմնական ցուցադրություն 

 

Մայիսի 17-ին և 18-ին թանգարանի մուտքն ԱՆՎՃԱՐ է։

Մայիսի 17-ին թանգարանը բաց կլինի մինչև կեսգիշեր։

 

 

23 April

13:00

«Տերյանը՝ ուսանող» խորագրով ժամանակավոր ցուցադրության բացում

Ապրիլի 23-ին՝ ժամը 13։00-ին, սիրով հրավիրում ենք ինտելեկտուալ գրող Վահան Տերյանի 140-ամյակին նվիրված «Տերյանը՝ ուսանող» խորագրով ժամանակավոր ցուցադրության բացմանը Գրականության և արվեստի թանգարանում։ 

 

Վ․ Տերյանի ուսանողական տարիները միայն ակադեմիական կրթություն ստանալու ժամանակաշրջան չէին։ Դրանք նրա անձի, աշխարհայացքի և գրական ոճի ձևավորման ամենաբուռն ու որոշիչ փուլերն էին։ Տերյանը փայլուն, մշտապես զարգացող ուսանող էր, նա ակտիվորեն մասնակցում էր ազգային և երիտասարդական շարժումներին։Բազմաթիվ լեզուների իմացությունը Վ․Տերյանին հնարավորություն տվեց բնագրով կարդալու աշխարհի մեծագույն մտածողների ու գրողների ստեղծագործությունները։ Հանգամանք, որը ձևավորեց մտքի բացարձակ ազատություն, գրական ինքնատիպ ոճ ու լեզու ունեցող գրողին։

Ցուցադրվող վավերագրերը կօգնեն բացահայտել Վ․Տերյանի ուսանողական կյանքի վառ դրվագներն ու ուշագրավ մանրամասները, որոնք հուշում են, թե ինչպիսին պետք է լինի օրինակելի ուսանողը և իսկական մտավորականը։

 

Ցուցադրությունը կգործի մեկ ամիս:

16 April

14:00

«Ֆրունզիկ Մկրտչյան. չգրված հետադարձ հայացք․․․» գրքի շնորհանդես

 

Հայ կինոյի օրը Գրականության և արվեստի թանգարանը նշանավորում է նոր գրքի շնորհանդեսով։

Սիրով հրավիրում ենք Ռոբերտ Մաթոսյանի «Ֆրունզիկ Մկրտչյան. չգրված հետադարձ հայացք․․․» գրքի շնորհանդեսին ապրիլի 16-ին՝ ժամը 14։00-ին։
Վավերագրական այս գիրքը մեծանուն արտիստ Ֆրունզիկ Մկրտչյանի չգրված մենախոսությունն է, որը հեղինակը ձայնագրել է ավելի քան 40 տարի առաջ:
Ռոբերտ Մաթոսյանը, լինելով նրա մտերիմ բարեկամներից մեկը, որպես «Ֆիլմ» թերթի խմբագիր տարբեր առիթներով ձայնագրել է արտիստի հանդիպումները, արտերկրի կինոփառատոններում ականատեսն է եղել նրա ջերմ ընդունելությանը, հանդիսատեսի սիրուն ու մեծարմանը:
Գիրքը վավերագրական ուղերձ է հին ու նոր սերնդին, չգրված հետադարձ հայացք, որը հնարավորություն կտա ընթերցողին նորովի բացահայտել և ճանաչել Մհեր Մկրտչյան մարդուն և արտիստին։

 

19 February

11:00

«Ընծայագիր. գիրք նվիրելու արվեստը» ժամանակավոր ցուցադրություն

Հովհաննես Թումանյանի ծննդյան օրը Գրականության և արվեստի թանգարանը տոնելու է թանգարանի ֆոնդերից առանձնացված գրքային ընծայագրերի ցուցադրությամբ։ Այս ընծայագրերը առանձնանում են իրենց հետաքրքիր բովանդակությամբ, ինքնատիպ ձևավորումներով, նրբագեղ շեշտադրումներով, առանձնահատուկ ձեռագրերով և անկրկնելի ոճով՝ բացահայտելով գրական ժառանգության անկեղծ ու ջերմ էջերը։ 

Ցուցադրությունը եզակի հնարավորություն է բացահայտելու, թե ինչ գրքեր էին նվիրում միմյանց հայ, արևմտահայ և այլազգի նշանավոր մտավորականները՝ վերածելով ընծայագրերը հիացմունքի և երախտագիտության խոր արտահայտման։

Այցելեք Գրականության և արվեստի թանգարան՝ ծանոթանալու ընծայագրման և գիրք նվիրելու արվեստին և բացահայտեք, թե ինչպես կարելի է գրքի նվիրատվությունը դարձնել ոչ միայն հիշարժան ժեստ, այլև ջերմ հարաբերությունների խորհրդանիշ։

 

17 January

17:00

ՄԱՐԿՈՍ ԳՐԻԳՈՐՅԱՆ ԵՎ ՓԱՐԱՋԱՆՈՎ. «Պատում մեկ իրի» ժամանակավոր ցուցադրություն

Հունվարի 17-ին ժամը 17:00-ին Գրականության և արվեստի թանգարանում «Պատում մեկ իրի» ժամանակավոր ցուցադրությունների շրջանակում կներկայացվի նկարիչ, հողարվեստի ուղղության հիմնադիր, հավաքորդ Մարկոս Գրիգորյանին պատկանող կարպետը, որը վերջինիս նվիրել է անվանի ռեժիսոր Սերգեյ Փարաջանովը:

1988թ.-ի աշնանը բացառիկ հրավերով Սերգեյ Փարաջանովը մեկնում է Նյու Յորք՝ մասնակցելու 26-րդ միջազգային կինոփառատոնին՝ «Աշուղ Ղարիբ» ֆիլմով:
Փառատոնի ընթացքում Փարաջանովը ծանոթանում և բարեկամանում է Մարկոս Գրիգորյանի հետ: Նյու Յորքից վերադառնալուց հետո Փարաջանովը Մարկոս Գրիգորյանին, ի նշան բարեկամության, նվեր մեղվակարպետ է ուղարկում՝ հայտնելով կարպետը իշխանություններից գաղտնի ուղարկելու մասին: Ի պատասխան՝ Մարկոս Գրիգորյանը կարպետը ուսերին գցած լուսանկարվում է և լուսանկարն ուղարկում Փարաջանովին՝ ակնարկելով, որ «գաղտնի» բեռը տեղ է հասել: