Սեպտեմբերի 23-ին Գրականության և արվեստի թանգարանում կազմակերպվեց Զորավար Անդրանիկի հոգեզավակ, ֆրանսահայ ճարտարագետ, Վազգեն Անդրեասյանի «Անդրանիկ» գրքի շնորհանդեսը:
Գիրքը առաջին անգամ հրատարակվել է հեղինակի կենդանության օրոք` 1982թ., Բեյրրութում: ՀՀ անկախության տոնի և Զորավար Անդրանիկի 150-ամյա հոբելյանի շրջանակներում հուշագրությունը վերահրատարակվեց Գրականության և արվեստի թանգարանի կողմից՝ գրականագետ, բանասիրական գիտությունների թեկնածու, Գրականության և արվեստի թանգարանի տնօրեն Կարո Վարդանյանի առաջաբանով:
Կարո Վարդանյանը ներկաներին ծանոթացրեց Վազգեն Անդրեասյանի կենսագրությանն ու գրքի բովանդակությանը՝ մասնավորեցնելով Անդրանիկի մասին բրիտանացի հազարապետ Գիբոնսի հուշերը, որոնք հեղինակը զետեղել էր գրքում:
Զորավար Անդրանիկի հերոսական կերպարին անդրադարձան նաև հրապարակախոս, պատմաբան Ռուբեն Սիմոնյանը և թերթի խմբագիր Պուշկին Սերոբյանը: Զորավարին նվիրված հայրենասիրական երգերի կատարումով հանդես եկավ աշուղ Ռազմարը:
