Հայ շեքսպիրյան ընկերության  և Ե. Չարենցի անվ. գրականության և արվեստի թանգարանի նախաձեռնությամբ  սեպտեմբի 30-ից հոկտեմբերի 3-ը կազմակերպվել էր   շեքսպիրյան միջազգային գիտաժողով՝ նվիրված Ուիլյամ Շեքսպիրի մահվան 400-րդ տարելիցին: Զեկուցումներով հանդես եկան շեքսպիրագետներ Մեծ Բրիտանիայից, ԱՄՆ-ից, Ճապոնիայից, Հունաստանից, Լեհաստանից,  Հայաստանից և այլ երկրներից:

Գիտաժողովի շրջանակում Գրականության և արվեստի թանգարանում բացվեց  «Շեքսպիր-400- հարատևության առեղծվածը» խորագրով ցուցահանդես, որտեղ ներկայացված էին շեքսպիրյան բեմադրությունների ազդագրեր, լուսանկարներ, արխիվային փաստաթղթեր,  բեմական իրեր, որոնք կրել են  հայ ականավոր դերասաններ՝ շեքսպիրյան կերպար կերտելիս: