Ս.թ. փետրվարի 18-ին  Գրականության և արվեստի թանգարանում ցուցադրվեց ռեժիսոր Մովսես Գասպարյանի  «Պոստ ֆակտում… Անցյալն է որոշում ապագան»  վավերագրական ֆիմը՝ նվիրված Կոմիտասի «Քրդական մեղեդի» թեմայով դիպլոմային թեզի լինելիության խնդրին:

40 րոպե տևողությամբ ֆիլմը նկարահանվել  է «Նոր տապան» ստեղծագործական խմբի կողմից /պրոդյուսեր՝ Գագիկ Հարությունյան/: Ֆիլմի նկարահանումները իրականացվել են նաև Գրականության և արվեստի թանգարանում՝ օգտագործելով թանգարանում պահվող Կոմիտաս վարդապետի արխիվային նյութերը:

Կինոդիտումից անմիջապես հետո ծավալվեց բուռն քննարկում ստեղծագործական խմբի և հանդիսատեսի միջև, որոնց թվում  էին նաև կինոգետ, ՀՀ արվեստի վաստակավոր գործիչ  Սուրեն Հասմիկյանը և երաժշտագետ, արվեստագիտության թեկնածու Ալինա Փահլևանյանը: