Կոմիտասի ծննդյան 150-ամյակին նվիրված կբացվի «Կախարդական սրինգ» խորագիրը կրող ցուցադրությունը: Կներկայացվեն երկու տասնյակ նվագարաններ՝ Եղիշե Չարենցի անվան գրականության և արվեստի թանգարանի ազգային նվագարանների հավաքածուից: Ցուցադրության առանցքում Կոմիտաս Վարդապետի յոթ սրինգներից մեկն է:

Ազգային նվագարանների ժամանակավոր ցուցադրության հանդիսավոր բացումը տեղի կունենա հուլիսի 12-ին, ժամը 19:00-ին, «Տաշիր Սթրիթ» կենտրոնում (Հյուսիսային պողոտա 6/2):

Գրականության և արվեստի թանգարանում տեղի կունենա Ստեփան Ալաջաջյանի անվ. արձակի մրցույթի մրցանակաբաշխություն և Ալաջաջյանի «Մայրամուտ» գրքի շնորհանդեսը:

«Բյուրակն» կրթահամալիրի սաների նախաձեռնությամբ մայիսի 24-ին, ժամը 15:30-ին Գրականության և արվեստի թանգարանում տեղի կունենա համերգ՝ նվիրված Հայաստանի առաջին հանրապետության օրվան և մայիսյան հերոսամարտերին:

 

Սիրելի՛ բարեկամներ,

սիրով հրավիրում ենք Գրականության և արվեստի թանգարան՝ մասնակցելու «Թանգարանների գիշեր» համաեվրոպական ակցիայի շրջականում կազմակերպվող միջոցառումներրին, որն այս տարի կանցկացվի «Թանգարանները որպես մշակութային հանգույցներ. ավանդույթի ապագան» խորագրի ներքո:

17:00 – 24:00 – Մշտական ցուցադրություն

17:00 – 24:00 – Հայտնվիր «Խաթաբալա» ֆիլմում ARize մոբայլ անվճար հավելվածի միջոցով                         
18:00-  երաժշտագետ Սաշա Օգանիզաշվիլու  130-ամյակին նվիրված ցուցադրության բացում                                                                  
19:00 – Հովհաննես Թումանյանի հեքիաթների ինտերակտիվ բեմանականցում՝ «Հեքիաթերեն» ինտերակտիվ տիկնիկային թատրոնի աջակցությամբ           

  
21:00 - «Կիթառս ու ես» համերգ-ֆլեշմոբ


Մուտքն ազատ է

Գրականության և արվեստի թանգարանում տեղի կունենա բանաստեղծ, արձակագիր, մանկագիր Էդուարդ Ավագյանի հիշատակին նվիրված ցերեկույթ և նրա՝ վերջերս լույս տեսած «Փոշոտված էջեր» բանստեղծությունների ժողովածուի շնորհանդեսը:

Կոմիտասի 150-ամյա հոբելյանի շրջանակնում Գրականության և արվեստի թանգարանում կբացի ժամանակավոր ցուցադրություն՝ «Կոմիտասի գրչի խաղերը» խորագրով, որին կհագորդի կոմիտասյան երգերի համերգ՝ Ալ. Հեքիմյանի անվան երաժշտական դպրոցի սաների մասնակցությամբ:

"Արևելքի երկրների մշակույթի կենտրոն" հասարակական կազմակերպության նախաձեռնությամբ մեկնարկում է OST նախագծի անդրանիկ՝ «ԵՐԱԺՇՏԱԿԱՆ ԽՃԱՆԿԱՐ» խորագրով դեբյուտային համերգը, որը տեղի կունենա Եղիշե Չարենցի անվան գրականության և արվեստի թանգարանում։

Գրականության և արվեստի թանգարանը «Պատմամշակութային արգելոց թանգարանների և պատմական միջավայրի պահպանության» ՊՈԱԿ-ի հետ համատեղ հրավիրում են «Հայ մտավորականները ֆրանկոֆոն միջավայրում» խորագրով ցուցահանդեսին:

Բացումը՝ ապրիլի 5-ին, ժամը 16:00-ին՝ «Զվարթնոց» պատմամշակութային արգելոց-թանգարանում:

Կոմիտասի 150-ամյա հոբելյանի շրջանակում Գրականության և արվեստի թանգարանում տեղի կունենա Տիրան Լոքմագյոզյանի «Կոմիտաս. գերմանական երկեր» գրքի շնորհանդեսը:

Հեղինակը վերծանել և հրատարակել է Կոմիտասի գերմանական անտիպ ժառանգությունը, որը պահվում է Գրականության և արվեստի թանգարանի արխիվում: 

Շնորհանդեսին կցուցադրվեն Կոմիտասի գերմանական մի շարք ստեղծագործությունների բնօրինակներ, ինչպես նաև կհնչեն կոմիտասյան երգեր՝ Տիրան և Ծովինար Լոքմագյոզյանների կատարմամբ (դաշնակահար՝ Հովհ. Մանուկյան):

Մարտի 15-ին, ժամը 14:00 Գրականության և արվեստի թանգարանում տեղի կունենա «Ֆիլմ» թերթի ստեղծման 50-ամյակին նվիրված ցուցադրության բացում, որին կհաջորդի ցերեկույթ՝ Հայաստանի կինոգործիչների միության նախագահ Հարություն Խաչատրյանի, «+Կինո» ամսագրի գլխավոր խմբագիր Ռոբերտ Մաթոսյանի, նկարիչ-մուլտիպլիկատոր Մարինա Վաղարշյանի, կինոգետ Սիրանույշ Գալստյանի և այլ անվանի արվեստագետների մասնակցությամբ:

Գրականության և արվեստի թանգարանում տեղի կունենա կոմպոզիտոր, դաշնակահար Սեդա Ապրեսյանի մենահամերգը:

Հայաստանում Սերբիայի Հանրապետության հյուպատոսությունն ամեն տարի ավանդաբար նշում է պետականության օրը, որը հայ-սերբական դարավոր բարեկամությունը հաստատող լավագույն վկայությունն է:
Այս տարին ևս բացառություն չէ: Փետրվարի 16-ին, ժամը 15:00-ին, Եղիշե Չարենցի անվան գրականության և արվեստի թանգարանում տեղի կունենա Սերբիայի Հանրապետության պետականության օրվան նվիրված գրական-երաժշտական երեկո:

Թանգարանում տեղի կունենա հանդիպում "Silk Road Media Group"-ի հրատարակիչ Մարկ Ախմեդջանովի հետ /Մեծ Բրիտանիա/:
Հանդիպման ընթացքում մասնակիցները կծանոթանան «Բաց Եվրասիա» գրական փառատոնի և գրքասերների ֆորումի գործունեության հետ, որը ներառում է գրքերի հրատարակության, ներկայացման, ինչպես նաև գեղանկարների ցուցադրման հնարավորություններ Լոնդոնում:

Մուտքն ազատ է:

Գրականության և արվեստի թանգարանում տեղի կունենա հուշ- ցերեկույթ` նվիրված երգչուհի, ՀՀ ժողովրդական արտիստ Ֆլորա Մարտիրոսյանի հիշատակին;Միջոցառման ընթացքում Ֆլորա Մարտիրոսյանի դուստրը` Էլֆրիդա Գևորգյանը կպատմի հուշեր երգչուհու կյանքից, կհնչեն երգեր Ֆլորա Մարտիրոսյանի երգացանկից, կցուցադրվեն նրա մասնակցությամբ մի շարք տեսահոլովակներ:

Մուտքն ազատ է:

Գրականության և արվեստի թանգարանում տեղի կունենա «Հույզի մի ցողիկ եմ...» խորագրով համերգ: Ելույթ կունենան Ստեֆանի Քոչարյանը (սոպրանո), Սոֆյա Սայադյանը (սոպրանո) և Հայկ Տիգրանյանը (բաս):

Ծրագրում՝ Վ. Կոտոյան, Է. Աբրահամյան, Ս. Ջրբաշյան, Գ. Չտյան, Ա. Սատյան, Սայաթ-Նովա և այլն: Կհնչեն նաև Վահագն Վարդանյանի դաշնամուրային ստեղծագործությունները՝ Գայանե Ասլանյանի կատարմամբ: 

Համերգի ընթացքում կներկայացվեն նաև ժամանակակից բանաստեղծուհի Աննե Մարիի ստեղծագործությունները:

ԵՊԿ դոցենտ, դաշնակահար Նաիրա Խաչատրյանի գիրքը պատմում է հայ երաժշտական մշակույթի նվիրյալի, հայկական ռոմանսի հիմնադիրներից մեկի` մեծատաղանդ կոմպոզիտոր, խմբավար, մանկավարժ Դանիել Ղազարյանի կյանքի և գործունեության մասին: 

Գրականության և արվեստի թանգարանում տեղի կունենա «Մարկոս Գրիգորյան. Էրեբունիից Երևան» նախագծի շնորհանդեսը` նվիրված «Միջին Արևելքի արվեստ» ցուցադրության 25 և Էրեբունի-Երևանի 2800 ամյակներին: Միջոցառման ընթացքում Մ. Գրիգորյանի մասին հուշեր կպատմեն նրա ընկերներն ու արվեստի գիտակները, որից հետո հյուրերը կդիտեն հեղինակի մասին տեսաֆիլմ, այնուհետև կցուցադրվեն կանացի մետաքսե վզնոցներ և զարդեր` Մ. Գրիգորյանի գորգերի մոտիվներով, իսկ վերջում տեղի կունենա «Քուռկիկ Ջալալի» գորգի շնորհանդեսը:

 Գրականության և արվեստի թանգարանում տեղի կունենա Հերմինե Ղազարյանի «Ֆիդայու մկրտություն» գրքի շնորհանդես;