Գրականության և արվեստի թանգարանը շարունակում է հայ կինոյի 100-ամյակին նվիրված «Կինոսրահ» միջոցառումների շարքը։ 

Նոյեմբերի 25-ին՝ ժամը 15:00-ին, կհյուրընկալենք կինոգետ, արվեստագիտության թեկնածու, դոցենտ Սիրանույշ Գալստյանին։ Սիրանույշ Գալստյանը հանդես կգա կինոռեժիսոր, ՀՍՍՀ ժողովրդական արտիստ Գրիգոր Մելիք-Ավագյանի մասին դասախոսությամբ։ Այնուհետ կցուցադրվի «Երևանյան երազողներ» վավերագրական ֆիլմը՝ նվիրված Երևանին։ Ցերեկույթին կցուցադրվեն Գրիգոր Մելիք-Ավագյանի արխիվային նյութերից։


Մուտքն ազատ է։
Հասցե՝ Արամի 1

ԼԵՌՆԱԿԱՆԻՆ ՅՈՒՇԱՏԵՏՐԸ. հրատարակվել է Սմբատ Բյուրատի անտիպ հուշագրությունը

Հեղինակի ժառանգների նախաձեռնությամբ հրատարակվել է հայ մեծանուն գրող, պատմավիպասան, Հայոց ցեղասպանության նահատակ Սմբատ Բյուրատի ԼԵՌՆԱԿԱՆԻՆ ՅՈՒՇԱՏԵՏՐԸ անտիպ հուշագրությունը։
Գրքի շնորհանդեսը տեղի կունենա նոյեմբերի 3-ին ժամը 14:00-ին` Ե. Չարենցի անվան գրականության և արվեստի թանգարանում (հասցե` Արամի 1):
Մասնակցությունն ամրագրելու համար խնդրում ենք զանգահարել (010) 543463 հեռախոսահամարով։
Տեղերը խիստ սահմանափակ են

Ե. Չարենցի անվան գրականության և արվեստի թանգարանում հոկտեմբերի 19-ին, ժամը 15:00-ին տեղի կունենա ցերեկույթ՝ նվիրված անվանի դերասան Ազատ Գասպարյանի ծննդյան 80-ամյակին: Նույն օրը կբացվի նաև ցուցադրություն՝ նրա կյանքին ու գործունեությանը վերաբերող:
Ելույթով հանդես կգան թանգարանի տնօրեն, բանասիրական գիտությունների թեկնածու Վահագն Սարգսյանը, կինոգետ, պրեֆեսոր Դավիթ Մուրդյանը, պրոֆեսոր Անետա Երզնկյանը, խմբագիր, կինոգետ Ռոբերտ Մաթոսյանը և անվանի այլ արվեստագետներ:
Երաժշտական կատարմամբ հանդես կգա արտիստի դուստրը՝ Նաիրի Գասպարյանը։
Վերջում ներկաները կունկնդրեն Ազատ Գասպարյանի՝ մեր օրերի համար էլ արդիական խոհերը <<Հայի հայրենիք>> տեսանյութում, նաև կավայելենք արտիստի ասմունքը:

 

Մուտքն ազատ է։

Հոկտեմբերի 18-ից Հայաստանի պատմության թանգարանում կբացվի «Հավերժի վավերագրողները․ Արամ, Արա, Արտաշես Վրույրներ» խորագրով ժամանակավոր ցուցադրությունը, որը կազմակերպվում է Ե․ Չարենցի անվան գրականության և արվեստի թանգարանի հետ համատեղ։

Փաստավավերագրական կարևոր նշանակություն ունեցող այս ցուցադրությունը նվիրվում է դերասան, լուսանկարիչ Արամ Վրույրի ծննդյան 160-ամյակին՝ լուսաբանելով նրա և որդիների բեմական գործունեությունն ու լուսանկարչական ժառանգությունը։

 Տեղեկացնում ենք, որ հայության համար այս դժվարին օրերին դարձյալ մեր կողքին է և մեզ հետ հրաշքի սպասումով է ապրում ամերիկացի լուսանկարիչ Վինսլոու Մարտինը։  Հայաստանն իր համար բացահայտելուց հետո շուրջ երեք տասնամյակ նրա օբյեկտիվը աշխարհին պատմում է հայի մասին` լինի արցախցի, թե` գորիսեցի, գյումրեցի, թե` արտաշատցի։ 

ՍԻՐՈ ՏԱՐԱԾՔ ՀԱՅԱՍՏԱՆ ցուցադրությունը Վինսլոուի` Հայաստանի ու հայ ժողովրդի հանդեպ ունեցած սիրո մի փոքրիկ մասն է, որին կարող եք հաղորդակից լինել այս օրերին` Գրականության և արվեստի թանգարանի Կոմիտասի անվան սրահում:

Հուլիսի 6-ից Գրականության և արվեստի թանգարանում կբացվի ժամանակավոր ցուցադրություն՝ նվիրված ազագային փողային նվագարանների վարպետ կատարող, նորարար Վլադիմիր Սմբատյանին։
Ներկայացված են համերգային ազդագրեր, լուսանկարներ, արխիվային փաստաթղթեր և այլն։

Մուտքն ազատ է։

Հունիսի 17-ին, ժաmը՝ 15։00-ին, հրավիրում ենք մասնակցելու Գրականության և արվեստի թանգարանի և Երևանի Կոնստանտին Սարաջյանi անվան երաժշտական դպրոցի համտեղ կազամկեպած համերգին, որը նվիրվում է կոմպոզիտոր, խմբավար, երաժշտագետ Քրիստափոր Կարա-Մուրզայի ծննդյան 170-ամյա հոբելյանին։


Հասցե՝ Արամի 1

Մուտքն ազատ է։

ՀՀ ՊԵՏԱԿԱՆ ԽՈՐՀՐԴԱՆՇԱՆՆԵՐԻ ՕՐԸ` հունիսի 15-ին, ԳԱԹ-ը կազմակերպում է տեղեկատվական դաս-զրույց 10-15 տարեկան դպրոցականների համար։
Դաս-զրույցի նպատակն է իմանալ սեփական երկրի պետականությունը խորհրդանշող ՀԻՄՆԻ, ԴՐՈՇԻ, ԶԻՆԱՆՇԱՆԻ պատմությունը։ Դասի ավարտին մասնակիցները կերգեն ՀՀ պետական օրհներգը և սեփական ձեռքերով կբարձրացնեն ՀՀ պետական դրոշը թանգարանի բակում։
Բանախոսներ` Մարինե Մուշեղյան և Սեյրանուհի Գեղամյան։

Մասնակցության համար անհրաժեշտ է նախապես գրանցվել հետևյալ հեռախոսահամարներով` (098) 812600, (010)543463:
Հասցե ` Արամի 1

Սիրելի այցելուներ,

Գրականության և արվեստի թանգարանը սիրով հրավիրում է մասնակցելու «Թանգարանների գիշեր» համաեվրոպական ակցիայի շրջանակում իրականացվող միջացառումներին, որն այս տարի կանցկացվի «Թանգարաններ, կայունություն և բարեկեցություն» խորագրի ներքո.

17։00- «Մարկոս Գրիգորյան.գորգ և գործ» կրթական ծրագրի շնորհանդես
19:00-«Գիր և գրիչ» ցուցադրության բացում
20:00- Ժողովրդական երաժշտության համերգ՝ նվիրված Կարա-Մուրզայի 170-ամյակին


Մուտքն ազատ է։

Հարգելի այցելուներ,

Մայիսի 18-ին, սիրով հրավիրում ենք Գրականության և արվեստի թանգարան՝ մասնակցելու «Թանգարանների միջազգային օրվան» նվիրված միջոցառումներին․

Ծրագրում՝
13։00- Փոխըմբռնման հուշագրերի կնքման հանդիսավոր արարողություն ԳԱԹ գործընկերների հետ
13։30- Քրիստափոր Կարա-Մուրզայի 170-ամյակին նվիրված ցուցադրության բացում
14։00- Օպերային երաժշտության համերգ
Կատարողներ՝
Օպերային թատրոնի մեներգիչ- Հայկ Տիգրանյան
Օպերային թատրոնի մեներգչուհի- Օֆելյա Համբարձումյան
Դաշնակահար՝ Վասիլի Ռոլիչ, կոնֆերանսյե՝ Արմինե Տիգրանյան

Մուտքն ազատ է։

Ե. Չարենցի անվան գրականության և արվեստի թանգարանը շարունակում է հայ կինոյի 100-ամյակին նվիրված 《Կինոսրահ》 միջոցառումների շարքը։

Մայիսի 17-ին, ժամը 14։00-ին《Կինոսրահի》 հյուրն է լինելու ԳԱԱ հնագիտության և ազգագրության ինստիտուտի գիտաշխատող, պ.գ.թ. Նարինե Շամամյանը։ Նա հանդես կգա《Պարերի արտացոլումը հայ կինեմատոգրաֆիայում》թեմայով բանախոսությամբ։

Մուտքն ազատ է։

Ե․ Չարենցի անվան գրականության և արվեստի թանգարանի կինոարվեստի բաժինը մեկնարկում է հայ կինոյի 100-ամյակին նվիրված «Կինոսրահ» միջոցառումների շարքը։ Մայիսի 3-ին, ժամը 15։00-ին կինոսրահի հյուրն է պատմաբանասեր, կինոգետ, սփյուռքագետ, բանասիրական գիտությունների թեկնածու Արծվի Բախչինյանը։

Բախչինյանը հանդես կգա «Հայ կինոյի Մաշտոցը» թեմայով բանախոսությամբ, որից հետո կցուցադրվի ռեժիսոր Արտակ Ավետյանի «Համո Բեկնազարյան» ֆիլմը։




Մուտքն ազատ է։

Ապրիլի 12-ին, ժամը 14:00-ին Ե. Չարենցի անվան գրականության և արվեստի թանգարանում տեղի կունենա Պավել Ջանգիրյանի «Человек с Олимпа» գրքի շնորհանդեսը: Միջոցառման ընթացքում թանգարանին կհանձնվի դերասան Կարեն Ջանգիրյանի (Ջանգիրով) արխիվը: Այնուհետ ներկաները կդիտեն ռեժիսոր Գուժ Թադևոսյանի «Дед Маргар» ֆիլմը:

Մուտքն ազատ է:

Ապրիլի 8-ին, ժամը 14։00-ին Հայաստանում Ֆրակնոֆոնիայի օրերի շրաջանակում Գրականության և արվեստի թանգարանում տեղի կունենա «Լուիզա Ասլանյան. դիմադրության շարժման մոռացված մարտիկը» թեմայով դասախոսություն, որը կվարի լրագրող, հետազոտող Արփինե Հարոյանը։


Հասցե՝ Արամի 1
Մուտքն ազատ է։

Գրականության և արվեստի թանգարանում մարտի 23-ին, ժամը 14:00-ին, Հայաստանում ֆրանկոֆոնիայի միջոցառումների շրջանակում, կբացվի ֆրանսիական Դիմադրության շարժման հերոս, բանաստեղծ Միսաք Մանուշյանին և նրա խմբին նվիրված ցուցադրություն. կներկայացվեն նամակներ, լուսանկարներ, կինոսցենարներ և այլ արխիվային նյութերով: Միջոցառմանը կցուցադրվի ՀՍՍՀ ժողովրդական արտիստ, ռեժիսոր, սցենարիստ Լաերտ Վաղարշյանի <<Այսօր արևոտ օր է>> գրքի համանուն վավերագրական կինոնկարը՝ նվիրված մանուշյանցիներին: Ֆիլմի վերաբելյալ ներածական խոսոքվ հանդես կգա կինոգետ, արվեստագիտության թեկնածու Սիրանույշ Գալստյանը։

Մուտքն ազատ է։

Մարտի 18-ին, ժամը 15։00-ին Գրականության և արվեստի թանգարանում տեղի կունենա «Ժամանակակիցները Համո Բեկնազարյանի մասին» գրքի շնորհանդեսը։

Գրքում զետեղված են հայ և օտարզգի կինոգործիչներ Գրիգոր Չախիրյանի, Հենրիկ Մալյանի, Վերկիո Աջափարիձեի, Բորիս Սովերի և այլոց հուշերը ականավոր կինոռեժիսորի կյանքի և գործունեության մասին։


Մուտքն ազատ է։

Մարտի 1-ին, ժամը՝ 15։00-ին Գրականության և արվեստի թանգարանում տեղի կունենա հոլանդական «Black Swan»- կվինտետի և քամանչահար Հակոբ Խալաթյանի համատեղ համերգը։

Համերգային ծրագրում կհնչեն հայկական աշուղական երգեր, կոմպոզիտորներ Խաչատուր Ավետիսյանի, Ծովակ Համբարձումյանի ստեղծագործություններից, հոլանդական ժողովրդական երգեր և այլն։

Մասնակիցներ՝ Իվո Բոսվայկ ( կիթառ ), Շյուրթ Բակկեռ ( կիթառ ), Մարոլայն Սպրենջերս ( երգ, դհոլ ), Հակոբ Խալաթյան ( քամանչա )

 

Մուտքն ազատ է։ Սիրով սպասում ենք․․․