Գրականության և արվեստի թանգարանը «Եվրոպական ժառանգության օրեր» համաեվրոպական ակցիայի և «Ժառանգությունը և բնությունը» խորագրի ներքո հոկտեմբերի 1-ին կազմակերպել էր դասախոսություն՝ «Հողի մշակույթը որպես քաղաքակրթություն և Մարկոս Գրիգորյանի հողարվեստը» թեմայով: Դասախոսությունը վարեց թանգարանի «Միջին Արևելքի արվեստ» ցուցասրահի վարիչ Զառա Մոկացյանը:
Անդրադառնալով Մարկոս Գրիգորյանի հողարվեստին՝ Մոկացյանը ընդհանրացրեց հողի, երկրագործության և բնության ներկայությունը և արտահայտությունը արդի հայ և համաշխարհային արվեստում:
Դասախոսությունից հետո մասնակիցները շրջեցին <<Միջին արևելքի արվեստ>> ցուցասրահում և տեղում ծանոթացան Մարկոս Գրիգորյանի հողարվեստի մի քանի գործերին:
